வானொலியில் வலைப்பதிவுகள்

தமிழ் இணையத்தில், குறிப்பாக வலைப்பதிவுகள் மட்டத்தில் நிகழ்ந்துவரும் முன்னேற்றங்கள் பற்றி இணையத்துக்கு வெளியே இயங்கும் ஊடகங்களில் அதிகம் தெரிவதில்லை. இயன்ற அளவு அத்தகைய ஊடங்ககளில் இந்த செய்திகள் வரச்செய்யவேண்டும் என்ற எண்ணத்தில் சில முயற்சிகளில் ஈடுபட்டுள்ளேன். அவற்றில் ஒன்று வானொலி மூலம் சுருக்கமாக சில செய்திகளை சொல்லுவது. அகில இந்திய வானொலியின் கோவை நிலைய இயக்குநர் கலைமாமணி முனைவர் சேயோன் அவர்களுடன் இதுபற்றி அளவளாவியபோது இதற்கு ஒரு வழிகிடைத்தது. அதன்மூலம் வாராவாரம் கோவையிலிருந்து ஒலிபரப்பாகும் ரெயின்போ எஃப்.எம். மூலமாக ஒரு உரையாடல் வடிவத்தில் சில தகவல்களை பரிமாறிக்கொள்ள இருக்கிறோம். முதல் நிகழ்ச்சி சென்ற வாரம் செவ்வாயன்று முற்பகல் 11:00 முதல் 12:00 வரை ஒலிபரப்பாகும் வண்ணக்களஞ்சியத்தினூடே ஒலிபரப்பானது. இனி தொடர்ந்து செவ்வாயன்று சுமார் 11:30 மணிக்கு இந்த தொடர் உரையாடல் ஒலிபரப்பாகும். வாய்ப்புக்கொடுத்த திரு. சேயோனுக்கு நன்றி.